Cine Maaya
All About The Ultimate Movie World..
Jungle (2017):
Boy Missing (2016) 
సీన్ హాగర్టీ ఒక గంటలో ఇల్లీగల్ కార్గో డెలివరీ చేయాలి, ఒక గంటలో ఒక మాఫియా డాన్ ని, ఒక హిట్ మాన్ ని మరియు DEA ని మాానేజ్ చేయవలసి ఉంటుంది. ఒక గంట లో తన వైఫ్ ని కాపాడుకోవాలి. ఇవన్నీ తన Cessna కాక్ పిట్ నుండే చేయవలసి ఉంటుంది.
The Invisible Gaurdian (2017):
Abracadabra (2017)
Mother (2009):
The Target (2014)
The Berlin File (2013):
The Man From Nowhere (2010)
I Saw The Devil (2010)
The Yellow Sea (2010):
The Chaser (2008):
Old Boy (2003):
Confessions of Murderer (2012):
ది పర్ వెర్ట్స్ గైడ్ టు సినిమా - సోఫీ ఫియెన్నెస్ 2006 లో నిర్మించి దర్శకత్వం వహించిన ఈ డాక్యుమెంటరీ స్లావో జిజెక్ అనే స్లొవేనియన్ ఫిలసాఫర్ యొక్క వ్యాఖ్యానం తో కూడుకొని ఉంటుంది. ఈ డాక్యుమెంటరీ లో జిజెక్ చాలా సినిమాల్లోని సన్నివేశాలను మానసిక విశ్లేషణ సిధ్ధాంతాలతో మనకు పరిచయం చేస్తాడు.
ఈ డాక్యుమెంటరీ ద్వారా ప్రేక్షకుడిని మానసిక విశ్లేషణ తో కూడిన ఒక విధమయిన ఒళ్ళు గగుర్పొడిచే ప్రెజెంటేషన్ ద్వారా ఇంతకు మునుపెన్నడు కనీవినీ ఎరుగని విధంగా గొప్ప చిత్రాలను, అందులోని సన్నివేశాలను పరిచయం చేస్తాడు జిజెక్. జిజెక్ ఒక ఫిలసాఫర్ మరియు మానసిక విశ్లేషణ తత్వవేత్త. ఈ స్లొవేనియన్ ఫిలసాఫర్ మనకి సినిమా లో దాగున్న ఒక రహస్యమయిన భాష మరియు దాని వెనుకనున్న ఆలోచనావిధానాన్ని, దాని ద్వారా మన గురించి మనకు తెలియని విషయాలను సినిమా సన్నివేశాల ద్వారా వివరించడం ఆకట్టుకుంటుంది.
ది పర్వెర్ట్స్ గైడ్ టు సినిమా - స్లావో జిజెక్ యొక్క ఆలోచన లను మరియు ఫాంటసీ, రియాలిటీ, సెక్సువాలిటీ, కోరికలు, యాంత్రికత్వం, సినిమా కళ ల పట్ల జిజెక్ యొక్క ఐడియాలను మనకు పరిచయం చేస్తుంది. ఈ డాక్యుమెంటరీ లో డేవిడ్ లించ్ యొక్క అస్సాధారణమయిన గొప్ప సినిమాలను, మనకంతా తెలుసుననుకొనే హిచ్ కాక్ సినిమాల లో మనకసలు తెలియని నిగూఢాలను, తన తెలివి తో, నిజాయితీ తో కూడిన చతురతతో ఎక్కడా విఫలం చెందకుండా, సినిమా విశ్లెషణ యొక్క చరిత్ర లో నే ఒక అసాధారణమయిన అధ్యాయాన్ని మన ముందుకు తీసుకువచ్చి విశదీకరిస్తాడు జిజెక్.
ఈ డాక్యుమెంటరీ యొక్క మరొక గొప్పదనం, జిజెక్ సినిమాలను చిత్రీకరించిన ఒరిజినల్ లొకేషన్లలోనే ఉంటూ మనకు ఆ సినిమా లోని సన్నివేశాలను వివరిస్తాడు. ఇది ఎలా ఉంటుందంటే జిజెక్ సినిమాలో నుండి మనతో మాట్లాడుతున్న అనుభూతి కలుగుతుంది. దీని ద్వారా మనకు ఆ సినిమా ల యొక్క సన్నివేశాలు మరియు వాటివెనుక నున్న ఆలోచనా విధానాలు చాలా కూలంకషం గా అర్థమవుతుంది. ఈ డాక్యుమెంటరీ ద్వారా సోఫీ ఫియెన్నెస్ స్లావో జిజెక్ తో కలిసి సినిమా సన్నివేశాల లో దాగిఉన్న ఫ్రాయిడ్ సంకిష్ట భావనలను నిజాయితీ గా విశదీకరించడం చేస్తుంది.
సినిమా ని మానసిక విశ్లేషణ చేయడం ద్వారా ఒక సన్నివేశాన్ని చిత్రీకరించడానికి ఏయే విషయాలను అర్థం చేసుకోవాలి అనే ఒక ముఖ్యమయిన ఆలోచన ని మొలకెత్తించడం లో ఈ డాక్యుమెంటరీ కొత్త దర్శకులకి మరియు కొత్తదనం కోరుకొనే వారికి ఎంతో ఉపయోగపడుతుందని చెప్పడం లో ఎంత మాత్రం అతిశయోక్తి లేదని చెప్పవచ్చు.ట్రయిలర్: ఇచ్చట చూడండి:
డిస్టోపియన్ (Dystopian) మూవీ - మన ఊహ కందని సమాజాన్నిలేదా వ్యవస్థ ని, మనం కోరుకోలేని మరియు భయం కలిగించే విధంగా విచిత్రమైన, ఊహాత్మకంగా చిత్రించబడే సినిమా. ఎక్కువగా ఇటువంటి చిత్రాలు భవిష్యత్తు ని ఊహించి చిత్రీకరించబడుతాయి. ఇటువంటి సినిమాలు మామూలుగా కొన్ని కొన్ని సంధర్భాలను ఆధారంగా చేసుకొని డెవలప్ చేయబడుతాయి. ఉదాహరణకు అమానవీయ సంఘటనలు, ప్రపంచం మొత్తాన్ని శాసించే భీతిగొలిపే ప్రభుత్వాలు, భయంకరమయిన మరియు ఊహకందని పరిశోధనలు చేసే కార్పోరేట్ కంపనీలు మరియు ప్రకృతి విలయాలు మొదలగునవి ఆధారంగా చేసుకొని ఈ సినిమాలు ఎక్కువగా రూపొందించబడుతాయి. అయితే మొట్టమొదటగా చితించబడిన డిస్టోపియన్ సినిమా ఏమిటి?
మెట్రోపొలిస్ (Metropolis) - 1927 జర్మనీ లో నిర్మించబడిన ఈ చిత్రం మొట్టమొదటి డిస్టోపియన్ చిత్రం గా గుర్తించబడుతుంది. ఇప్పటివరకు చాలా సినిమాలు భవిష్యత్తు లో జరిగేవాటిని ఊహించబడి చిత్రించబడ్డాయి. అలాంటి సినిమా లన్నీ ఈ చిత్రానికి, ఈ చిత్ర దర్శకుడయిన ఫ్రిట్జ్ లాంగ్ కి ఋణపడి ఉంటాయని చెప్పడం లో అతిశయోక్తి లేదు. ఒక నగర జీవితాన్ని చూపించే ఈ సినిమా తన సమకాలీన పరిస్థితులకు చాలా అడ్వాన్స్ గా ఒక వంద సంవత్సరాలకు ముందుండే జీవితాలను ముందే ఊహించి ఆవిష్కరించబడిన చిత్రం.
"Should I say now that I like Metropolis because something I have seen in my imagination comes true, when I detested it after it was finished?" - Fritz Langమెట్రోపొలిస్ ఒక సమకాలీన దర్పణం: మెట్రోపొలిస్ 2026 వ సంవత్సర కాలానికి చెందిన కథ. కానీ ఈ సినిమాలో 1927 జర్మనీలో పరిస్థితులను అద్దంపట్టే విధంగా కథను రూపొందించడం జరిగింది. ఈ బ్లాక్ అండ్ వైట్ చిత్రం లో అప్పటి ప్రపంచ పరిస్థితులను, ఆ సమయం లొ జర్మనీ ప్రపంచానికి చూపించిన పీడకలలను వాటి యొక్క ప్రభావాలను జర్మనీ యొక్క ట్రేడ్ మార్క్ ఎక్స్ ప్రెషనిజం ను ఉపయోగించి దర్శకుడు తెరకెక్కించడం జరిగింది. ఈ చిత్రం లో, మొదటి ప్రపంచ యుధ్ధం సృష్టించిన భయంకరమయిన తాజా ఙాపకాలను ప్రజలు మరవక మునుపే, నాజీ లు అధికారం చేపట్టే సమయానికి ముందు, ఒక నిరంకుశ ప్రభుత్వం ఏర్పడితే అది జర్మనీ దేశానికి చూపించగల పరిష్కారాలను ప్రతిపాదించడం జరిగింది. కథా బీజం: ఈ చిత్ర దర్శకుడు ఫ్రిట్జ్ లాంగ్ 1924 లో అమెరికాను సందర్శించినపుడు, అప్పుడే కొత్తగా నిర్మిస్తున్న ఆకాశ హర్మ్యాలను, వాటి మీదినుంచి చీమల్లా కనిపిస్తున్న ప్రజలను చూసినపుడు తనకు కలిగిన ఐడియా ను ఈ చిత్ర కథ గా మలిచాడు. అందుకే ఈ చిత్రం లో ఆకాశహర్మ్యాలను ఒక సైన్స్ ఫిక్షన్ కథాంశం తో మన ముందుంచుతాడు. తెర పై మొట్టమొదటిగా ఆకాశహర్మ్యాలను ఒక సైన్స్ ఫిక్షన్ చిత్రం లో చూపించడం ఈ సినిమాతోనే ప్రారంభమయిందని చెప్పవచ్చు. ముఖ్యంగా విజువల్ ఎఫెక్ట్ మార్గదర్శకుడైన Eugen Schüfftan తొ లాంగ్ ఈ సినిమా కి కలిసి పనిచేసాడు. వీరిద్దరు కలిసి ఒక అతిశయోక్తి తో కూడుకున్న మన్ హట్టన్ నగరాన్ని, మోనోరైలు మరియు పెద్ద పెద్ద క్లాక్ టవర్ సెట్ మోడళ్ళను ఉపయోగించి మనుషులు ఆపరేట్ చేసే పెద్ద పెద్ద యంత్రాలను ఈ చిత్రం లో సృష్టించడం జరిగింది. ఈ చిత్రం లో చూపించబడిన మెట్రోపొలిస్ పట్టణం యొక్క ఆర్కిటెక్చర్ ఆ సమాజం యొక్క అననుకూల వైఖరిని ప్రతిబింబించే విధంగా ఉంటుంది. ఇందులో పరిపాలించే శక్తి కలవారిని ఎత్తయిన టవర్స్ లో చూపెడుతూ, బలహీనమయిన నిమ్న వర్గాలను క్రిందనున్న అంధకారమైన మురికివాడలలో నివసిస్తున్నట్టు చూపిస్తాడు దర్శకుడు. జీవితం లో వారి వారి మార్గాలను కలుపుకోలేని ఉన్నత వర్గానికి చెందిన వ్యక్తి, ఫ్రెడెర్సన్ (ఆల్ఫ్రెడ్ ఏబెల్) మరియు నిమ్న వర్గానికి చెందిన మరియా (బ్రిగిట్ హెల్మ్), సమాజం లోని ఈ రెండు విభిన్న వర్గాల మధ్య కల అంతరాలను స్పృశిస్తూ, వారు ఏవిధంగా ఆ యాంత్రిక పట్టణం ప్రశాంతంగా నడవడానికి సహాయపడుతున్నారో చూపిస్తూనే ఫ్రెడెర్సన్ కుమారుడు మారియా ను చూసి ప్రేమించడాన్నియంత్రాలు పనిచేయకపోవడం తో పోలుస్తాడు దర్శకుడు.
మొట్టమొదటిసారి ఒక సినిమా లో కట్టింగ్ ఎడ్జ్ స్పెషల్ ఎఫెక్ట్స్ ని చూపించిన సినిమా గా దీన్ని మనం చెప్పుకోవచ్చు. కానీ ఈ సినిమా, టెక్నాలజీ కంటే మానవత్వం యొక్క భవిష్యత్తు పైనే మన నమ్మకాన్ని పెంచే విధంగా, ఆ వైపు మనలని పురిగొల్పే విధం గా వ్యక్తీకరించబడుతుంది. 21 వ శతాబ్దపు పట్టణాన్ని ఒక కపటమైన, ఎటువంటి కరుణలేని ఒక యాంత్రిక రాక్షసుని గా చిత్రీకరించాడు దర్శకుడు. ఇందులో చూపించిన Maschinenmensch (“machine-human”) తరువాతి కాలం లో Frankenstein (1931) లాంటి చాలా హాలీవుడ్ చిత్రాలకు మార్గదర్శకం గా నిలిచింది. యాంత్రికత్వమును ఒక అనారోగ్యం తో కూడిన బానిసత్వం గా మరియు మోసకారిగా వర్ణించబడిన ఈ సినిమా మొట్టమొడటి డిస్టోపియన్ ఫ్యూచర్ సినిమా గా గుర్తించబడి తరువాతి కాలం లో వచ్చిన చాలా ఇంగ్లీషు చిత్రాలకు ఒక మార్గదర్శనం గా నిలిచిందనడం లో అతిశయోక్తి లేదు.
ఈ సినిమా ద్వారా దర్శకుడు ఫ్రిట్జ్ లాంగ్ విఛ్చిన్నమైన జర్మనీ వ్యవస్థ ను ముందే ఊహించి దానిని ఒక వికట పండితుడు గా చూపించడానికి ప్రయత్నించినట్టు కనిపించినా, మొత్తం గా ఒక ఆశావహ దృక్పథాన్ని కేంద్ర బిందువుగా చేసుకొని నడిపించినట్టు ప్రస్ఫుటమవుతుంది.
Metorpolis believes the human heart can triumph even when our dreams turn into oppressive nightmares, and for all its concerns, it sees a frightening beauty in the world of tomorrow.సినిమా:
ఏమి టార్చర్ సినిమా రా బాబూ.. Blade Runner 2049 సినిమా ఇంటర్వెల్ టైముకి థియేటర్ లో వినిపించిన మాటలు.. కొంతమంది అయితే సినిమా మధ్యలోనే హాలు విడిచి వెళ్ళిపోయారు.. నిజంగా సినిమా అంత ఘోరంగా ఉందా? అంటే కాదనే చెప్పాలి.. నా చివరి పోస్టు లో చెప్పినట్టు ఈ సినిమా కి మొదటి సారిగా వెళ్ళేవారు తప్పకుండా పాత ఒరిజినల్ వెర్షన్ చూసి వెళితే ఈ సినిమా ని బాగా అర్థం చేసుకోవచ్చు.. కానీ ట్రైలర్ చూసి ఇదేదో రెగ్యులర్ రిడ్లీస్కాట్ మూవీ, ఫ్యూచర్ సైన్స్ ఫిక్షన్ మూవీ కదా గ్రాఫిక్స్ మరియు యాక్షన్ ఎక్కువగా ఉంటుందని వెళితే సినిమా నచ్చకపోదు సరికదా అసలేమి జరుగుతుందో తెలీక గందరగోళం కి గురవడం జరుగుతుంది. ఈ సినిమాని విమర్శించే ముందు మనం తెలుసుకోవలసిన కొన్ని ముఖ్యమైన విషయాలు మీకోసం..
1. ఇది ఒక నియో నాయిర్ సినిమా: Blade Runner ఒక నియో నాయిర్ జానర్ కి చెందిన మూవీ.. నియోనాయిర్ లేదా నాయిర్ ఫిల్మ్ అనే పదాలు ఫ్రెంచ్ భాష నుండి వెలుగులోకి వచ్చాయి.. ఫ్రెంచ్ ఫిల్మ్ క్రిటిక్స్ అయినటువంటి Raymond Borde మరియు Etienne Chaumeton 1955 లో ఈ పదాలను విరివిగా ఉపయోగించడం తో ఈ జానర్ ఎక్కువగా పాపులర్ అయింది. ఈ జానర్ సినిమాలు ఎక్కువగా డార్క్ మూవీ లు గా పరిగణించబడుతాయి. అంతేకాక వీటిని చిత్ర్రికరించే విధానం కూడా ఒక రకమయిన స్టయిలిష్ గా ఉండి కథ లోని చీకటి కోణాలను, క్రైమ్ సీన్స్ ని ఎలివేట్ చేయడానికి ఈ జానర్ ఒక అస్త్రం గా చెప్పవచ్చు. అయితే ఈ జానర్ గురించి ఎటువంటి ఐడియా లేకుండా వెళితే ఈ సినిమాని పూర్తిగా ఆస్వాదించడం కష్టమే అని చెప్పవచ్చు. అదీకాక Blade Runner ఈ జానర్ కి అసలయిన నిర్వచనమని కొనియాడబడింది. Blade Runner 2049 కూడా తన తొలిచిత్రాలకు ఏమాత్రం తగ్గకుండా చిత్రీకరించబడింది.. ఇది ఒక పక్కా నియో నాయిర్ డార్క్ మూవీ..
2. ఇది పక్కా Denis Villeneuve మూవీ: ఈ సినిమా డైరెక్టర్ Denis Villeneuve ఇంతకుముందు Arrival (2016), Sicario (2015), Prisoners (2013), Enemy (2013) and Incendies (2010) అనే చిత్రాలతో మంచి గుర్తింపు తెచ్చుకున్నాడు. ఈ సినిమాలు మీకు నచ్చితే ఈ చిత్రం కూడా మీకు తప్పకుండా నచ్చితీరుతుంది. ఎందుకంటే ఈ సినిమా కూడా డెనిస్ ఇంతకుముందు చిత్రాలకు ఏ మాత్రం తగ్గకుండా, ఇంకాచెప్పాలంటే, వాటిని మించి చాలా జాగ్రత్తగా చిత్రీకరించినట్టు అనిపిస్తుంది. Blade Runner 2049 ఈమధ్య కాలం లో తీసిన గొప్ప సీక్వెల్ చిత్రం గా చెప్పవచ్చు. డెనిస్ చిత్రాలు కథాపరం గా ఎక్కువ ఫిలసాఫికల్ గా మరియు సైకలాజికల్ గా ఉండి చూసే ప్రేక్షకులను ఆలోచింపచేసేవిగా ఉంటాయి.
3. Blade Runner సినిమా గ్రాఫికల్ గా కాకుండా ఆర్టిస్టిక్ గా చిత్ర్రీకరించబడినదని గుర్తించాలి. ఈ చిత్రాల్లో ఉపయోగించిన గ్రాఫిక్స్ కంటే వేసిన సెట్టింగు లు ఎక్కువ సంభ్రమాశ్చర్యాల కు గురిచేస్తాయి. ఇవి కథను ఆ కాలానికి తగ్గట్టుగా చూపించడానికి, ఆ సమయానికి ప్రదేశాలకు సరిపోయే మూడ్ ని ముందుకు తీసుకెళ్ళడానికి వందశాతం ఉపయోగపడినాయని చెప్పవచ్చు.. గమనించాల్సిన విషయమేమిటంటే 1982 లో వచ్చిన సినిమాలోని సెట్టింగులను అదేవిధంగా ఈ చిత్రం లో వేయడం జరిగింది.. వీటితో పాటు రోజర్ డీకిన్స్ కెమెరా పనితనం, హాన్స్ జిమ్మర్ మరియు బెంజమిన్ వాల్ఫిష్ మ్యూజిక్ సినిమా మూడ్ ని వందశాతం ఎలివేట్ చేశాయని చెప్పవచ్చు.
4. కథ విషయానికొస్తే లాస్ ఎంజెల్స్ 2049 వ సంవత్సరానికి చెందిన సమయానికి దర్శకుడు మనల్ని తీసుకెళ్ళడం జరుగుతుంది. మొదటి సినిమా వచ్చి మూడు దశాబ్దాలు దాటినా మొదటి సినిమాలోని రెప్లికంట్స్ ని వేటాడే "బ్లేడ్ రన్నర్" హీరో ప్రొఫెషన్ ని ఈ సినిమాలో కూడా కంటిన్యూ చేయడం జరిగింది. అయితే ఈ సినిమాలో హీరో ర్యాన్ గోస్లింగ్ "K" అనే పేరుగల డిటెక్టివ్. తన కర్తవ్యం అఙ్ఞాతం లోకి వెళ్ళిపోయిన, దాక్కున్న, తమ ప్రొఫెషన్స్ ని మార్చుకొని కొత్తజీవితం జీవిస్తున్నపాత రెప్లికాంట్స్ ని వెతికి పట్టుకోవడం, వారితోపాటు జీవితకాలం పూర్తయినా ప్రశాంతంగా జీవిస్తున్న రెప్లికాంట్స్ ని వెతికి చంపడం. ఈ క్రమం లో హీరో ప్రశాంతం గా జీవిస్తున్న సాపెర్ అనే ఒక రెప్లికాంట్ ని ట్రాక్ చేసి చంపడం, అటునుంచి తన గత జీవితానికి సంబంధించిన మిస్టరీని ఛేధించే క్రమం, అందులో భాగం గా రెప్లికాంట్స్ యొక్క హిస్టరీ, రెప్లికాంట్స్ పై ఙ్ఞాపకాల యొక్క ప్రభావం మరియు మనిషిగా జీవించడం ఎంత ప్రమాదకరమో తెలుసుకొనడం జరుగుతుంది. సహనటులయినటువంటి డేవ్ బటిస్టా, హారిసన్ ఫోర్డ్, జారెడ్ లెటో మరియు రాబిన్ రైట్ తమ తమ పరిధిమేరకు తమ పాత్రలకు న్యాయం చేయడం మనం గమనించవచ్చు.
5. ముఖ్యంగా డెనిస్ మరియు డీకిన్స్ పనితనం చివరి 30 నిమిషాల్లో స్క్రీన్ మీద ప్రస్ఫుటం గా కనిపిస్తుంది. హీరో రేడియేషన్ ప్రభావిత ప్రాంతానికి హారిసన్ ఫోర్డ్ ని కలవడానికి వెళ్ళే సీన్ లో ఆ ప్రాంతాన్ని తీర్చిదిద్దిన విధానం, పెద్ద పెద్ద అమ్మాయిల విగ్రహాలు, ఫోర్డ్ మరియు గోస్లింగ్ మధ్య జరిగే చిన్న పోరాటం, దాన్ని చిత్రీకరించిన విధానం.. ఒక విజువల్ ట్రీట్ గా చెప్పవచ్చు. చివరి 30 నిమిషాలను విజువల్ స్టైలిష్ గా, అందంగా తీర్చిదిద్దిన విధానం గమనించదగిన అంశం గా చెప్పవచ్చు. ఇప్పటివరకు 13 సార్లు ఆస్కార్ కి నామినేట్ అయినా అవార్డుని దక్కించుకోలేకపోయిన రోజర్ డీకిన్స్ ఈ చిత్రానికయినా దాన్ని సాధిస్తాడని ఆశిద్దాం.
6. ఈ చిత్రం లో గమనించదగిన మరో అంశం మెటాఫరిక్ మరియు సింబాలిక్ సన్నివేశాలు. సిటీ లో కనిపించే హాలోగ్రామ్స్ హీరో తన జీవితం లో కోల్పోయినటువంటి వాటిని గుర్తు చేస్తుంటాయి. పెద్ద పెద్ద విగ్రహాల ముందు తన జీవితం ఎంత చిన్నదో, మనిషిగా జీవించడం ఎంత కష్టమో మరియు చెట్టుకి, వుడ్ కి ఎంత విలువ ఉందో చెప్పే సన్నివేశాలు, బిల్ బోర్డ్స్ మొదలగునటువంటివి చాలా ప్రభావితంగా చిత్రీకరించడం ఈ మధ్య కాలం లోనే కాదు, చాలా సంవత్సరాలుగా కూడా రాలేదనే చెప్పాలి. సౌండ్ డిజైనింగ్ ఈ చిత్రాన్ని మరొక మెట్టు ఎక్కించిందని ఎటువంటి సందేహం లేకుండా చెప్పొచ్చు. కేవలం సౌండ్ డిజైనింగ్ కే ఈ చిత్రాన్ని మరొక సారి చూడొచ్చు. You can't only listen or see it, you can experience it.
Verdict: ఈ చిత్రం మూవీ లవర్స్ కి, మరియు డెనిస్ సినిమాలను ఫాలో అయ్యేవారికి బాగా నచ్చుతుంది. ఈ కథ గురించి, జానర్ గురించి ఎటువంటి ఐడియా లేకుండా వెళితే కొంత నిరాశ కలుగుతుంది. నిర్మాణ విలువల పరంగా, టెక్నికల్ గా ఇటువంటి సీక్వెల్ గానీ, చిత్రం గానీ ఈ మధ్య కాలం లో రాలేదనే చెప్పాలి. సినిమాటోగ్రఫీ ని, సౌండ్ ని, దర్శకత్వ ప్రతిభని ఆస్వాదించాలనుకునే వారు తప్పకుండా చూడవలసిన చిత్రమిది.
మొదటి 15 నిమిషాలు కొంత చప్పగా సాగినా మెల్లమెల్లగా కథ ఇంట్రెస్టింగ్ గా మారడం జరిగి, క్లయిమాక్స్ వరకు సీటు ఎడ్జ్ లో కూర్చుని చూసే విధంగా ఉంటుంది.
చివరిగా ఈ చిత్రం లో హీరో మనిషియా, రెప్లికెంటా అనేది ప్రేక్షకుడికే వదిలేయడం జరిగింది. మీరేమనుకుంటున్నారో క్రింద కామెంట్ లో తెలియచేయగలరు.
రేటింగ్: 4/5
ఇక్కడే అసలైన చిక్కు వచ్చి పడింది.. ఏ వెర్షన్ చూడాలి.. హాలీవుడ్ లో ఒక సినిమా బాగా పాపులర్ అయితే అదే సినిమా కి సంబంధించి వివిధ రకాలయిన వెర్షన్లు మార్కెట్ లో రిలీజ్ అవుతాయి..
అవి 1. ఒరిజినల్ సినిమా 2. డైరెక్టర్స్ కట్ 3. ఫైనల్ కట్
ఒరిజినల్ సినిమా అందరి కోసం రిలీజ్ చేయబడుతుంది.. దీని కోసం అందరి అభిప్రాయాలను, సెంటిమెంట్ లను పరిగణన లోకి తీసుకొని రిలీజ్ చేస్తారు.. సినిమా కి అందరికీ ఆమోదయోగ్యమైన ఒక ముగింపును ఇవ్వడం జరుగుతుంది. చాలా కేసుల్లో కథని సుఖాంతం చేస్తుంటారు.. Blade Runner ఒరిజినల్ వెర్షన్ 1982 లో రిలీజ్ అయింది. ఇది ఫిలిప్. కె. డిక్ అనే రచయిత రాసిన సైన్స్ ఫిక్షన్ పుస్తకం ఆధారం గా నిర్మించబడింది. ఇందులో ఒక Blade Runner స్పేస్ లో దొంగిలించబడిన ఒక షిప్ ని ఎలా పోరాడి తిరిగి భూమ్మీదికి తీసుకొచ్చాడనేది అసలయిన కథ. ఇందులో ఆర్టిఫీషియల్ జీవితాలను, వ్యక్తులను ఫిలసాఫికల్ గా 3 గంటల పాటు వర్ణించడం జరుగుతుంది. దీనిని చూడటం ఖచ్చితం గా ఒక సవాలే.. దీనిని చూడటం మళ్ళీ స్కూల్ లో జాయిన్ అయిన ఫీలింగ్ ని గుర్తుకు తెస్తుంది.. అందుకు మీరు రెడీయా..?
అదీకాక ఈ సినిమా అభిమానులు ఇందులో చూపించబడిన చాలా కట్స్ ని ఆమోదించకపోవడం వలన ఇప్పటివరకు Blade Runner ఎనిమిది (8) వెర్షన్స్ మార్కెట్లో రిలీజ్ అయినాయి. అందులో మూడు వెర్షన్స్ మాత్రమే ఆన్ లైన్ లో అందుబాటులో ఉన్నాయి. అవి 1. 1982 Blade Runner థియేటర్ రిలీజ్ వెర్షన్, 2. Blade Runner 1992 డైరెక్టర్స్ కట్ మరియు 3. Blade Runner 2007 ఫైనల్ కట్.. ఒక్క సినిమాకి కమిట్ అయితే హాలీవుడ్ లో మీరు బుక్కయినట్టే.. ;-) Blade Runner 2049 ని ఎంజాయ్ చేయాలంటే మాత్రం ఇందులో ఏదోఒకటి మళ్ళీ చూడవలసిందే.. అయితే ఏది చూడాలో ఒకసారి రివ్యూ చేద్దాం..
Special Article:
నేడు చలన చిత్ర రంగం కొత్త పుంతలు తొక్కుతుంది. సాంకేతిక విలువలు, నిర్మాణ విలువల తో పాటు చూసే సినిమా చూసే ప్రేక్షకుడిని ఒక కొత్త ప్రపంచం లోకి తీసుకెళ్ళడానికి చేయవలసిన పనులన్నింటినీ నేడు సినిమా రంగం లో తీసుకురావడం జరిగింది. అయితే ఒక్కసారి సినిమా చరిత్ర ని గమనిస్తే మొదటినుండీ సినిమా ప్రేక్షకులని సంభ్రమాశ్చర్యాలకు గురిచేయడానికి పడిన తపన మొట్ట మొదటి సినిమానుండి కనిపిస్తుంది. ఈ సినీ ప్రయాణం మొదటగా 1902 లో జార్జ్ మిలెస్ (George Melies) అనే ఒక పారిస్ కు చెందిన షోమాన్ తన దగ్గరికి వచ్చే ప్రేక్షకులకు చూపించడానికి మరియు వారిని వినోదపరచడానికి చిన్న నిడివి కల సైలెంట్ ఫిల్మ్ ల ను తీయడం తో మొదలయింది. అలా తను తీసిన మొదటి చిత్ర రాజం "ఎ ట్రిప్ టు ద మూన్" (La Voyage dans la lune). 
Moana: మొవానా (2016):
మొవానా 2016 లో డిస్నీ స్టూడియో వారు నిర్మించిన కంప్యూటర్ నిర్మిత యానిమేషన్ చిత్రం. ఈ సినిమా డిస్నీ ప్రొడక్షన్ వారి 56 వ చిత్రం.
దర్శకత్వం: Ron Clements మరియు John Musker
 |
| "గేమ్ ఆఫ్ థ్రోన్స్" మరియు "స్టేజ్ కోచ్" అనే చిత్రం లోని ఒకేవిధమయిన సన్నివేశం |
